[2020藝術節節目冷知識] DAY 8 - 不能說的劇名 —《馬克白》

[2020藝術節節目冷知識] DAY 8 - 不能說的劇名 —《馬克白》

2019.12.29

【距離2020年尚餘3日~】不能說的劇名—《馬克白》
-
#哈利波特》嘅宿敵 #佛地魔 係魔法界人人聞之色變嘅人,大家只願意稱他為「那個不能說出名字的人」(He Who Must Not Be Named),而唔敢講出佢嘅真名。而喺戲劇界,都有「那套不能說出名字的劇」,就係 #莎士比亞 #四大悲劇 之一的《#馬克白》(Macbeth)。
-
莎士比亞當初是為了他嘅贊助人國王詹姆士一世而寫《馬克白》,他知道國王非常迷信,也熱衷研究超自然現象;為了令國王滿意,莎士比亞特意加入 #女巫三姊妹,並以她們邊作法邊製作魔藥嘅一幕作開場。據說她們吟唱嘅咒語是莎士比亞以黑魔法儀式為藍本創作得來,卻沒想到會引起巫師們嘅不滿,他們認為此劇暴露且褻瀆神聖儀式,於是向呢套劇下咒,誓要敢與《馬克白》扯上任何瓜葛嘅人血債血還。
-
呢個詛咒首次應驗於1606年首演之夜,飾演馬克白夫人的演員突然發燒身亡。迫不得已下,莎士比亞只好硬著頭皮上埸頂替。初次公演就有演員死亡顯然令此劇蒙上了一層不祥的氣息;另一邊廂,莎士比亞精心安排足夠以假亂真的女巫作法埸面,卻正正因為過於逼真,令國王感到十分不安,更下令禁演《馬克白》五年。

-
禍不單行,之後世界各地多次上演《馬克白》,都伴隨著一連串意外事故。在1672年的阿姆斯特丹,一名扮演馬克白嘅演員以真匕首代替假匕首,在觀眾面前將飾演國王鄧肯嘅演員殺死。唔好以為坐在台下便能逃過一劫,在1942年的芝加哥,無辜嘅觀眾喺打鬥場面被道具擊中,引致心臟病發,當場死亡。
-
大家可能認為一切都係巧合,身處21世紀呢個科學昌明嘅年代,仲被迷信嚇倒實在可笑;然而,行內仍有不少演員因這個迷信而拒絕直稱戲名,而以「蘇格蘭劇」(the Scottish play) 代替;在2015年上演、改編至《馬克白》嘅同名電影中,飾演主角的著名演員米高·法斯賓達(Michael Fassbender) 表示自己本來都唔信邪,但拍攝時遇上了詭異嘅事情,令他不得不改口稱電影為“the Scottish film".
-
咁萬一有劇組成員唔小心講了「馬克白」三字,有任何逆轉惡咒嘅辦法嗎? 破除詛咒嘅方法其實非常簡單:任何觸發惡咒嘅人只需要衝到台下,離開劇場,原地轉三圈,並且迅速往地下吐口水,然後大罵髒話,跟著就可以走回劇場。而整個劇組便可以安心繼續排戲,免受詛咒的威脅。
-
2020香港藝術節將會為大家呈現由亞歷山德羅‧塞那執導嘅《馬克白》。導演將故事背景設定在薩丁尼亞 島。薩丁尼亞島係歐洲文明的發源地之一,導演利用薩丁尼亞嘅獨特文化特色和語言,並大膽起用全 男班演員,以強烈嘅光影、人聲、形體,以及石頭製造的聲響,勾勒人性潛藏嘅黑暗,毫無保留呈現 最原始嘅權慾野心,令人不寒而慄。

亞歷山德羅.塞那《馬克白》
節目介紹:https://www.yfs.artsfestival.org/yfs/free_events/view/383/…/