[2020藝術節節目冷知識] DAY 7 - 傳奇爵士巨匠 Charlie Parker 嘅外號叫「菜鳥」?

[2020藝術節節目冷知識] DAY 7 - 傳奇爵士巨匠 Charlie Parker 嘅外號叫「菜鳥」?

2019.12.28

【距離2020年尚餘4日~】傳奇爵士巨匠Charlie Parker嘅外號叫「菜鳥」?
-
2020年係傳奇爵士巨匠查利·帕克 (Charlie Parker) 誕辰100週年。著名爵士樂手Miles Davis高度讚揚帕克﹕「你可用四個字談爵士樂史:Louis Armstrong、Charlie Parker」。

相信有唔少人都知道查利.帕克嘅外號係「鳥」(Bird) ,但係原來呢位大師嘅外號一開始係叫「菜鳥」(Yard bird)!呢個外號嘅來源眾說紛紜,其中一個講法係查利.帕克好鐘意食雞,佢剛出道時響趕路途中唔小心壓死左一隻雞。最搞笑嘅係帕克即刻要司機停車,將那隻雞執番屋企做晚餐。而Yardbird係指「養在院子裡的鳥」,亦即係雞咁解。於是Yardbird菜鳥就成為帕克嘅外號喇!後來佢成名後將Yardbird簡化做Bird,所以多數人認識嘅係Bird呢個外號。
-
帕克作為爵士中音色士風手及作曲家,佢前衛嘅音樂觸覺推動左Bebop(咆勃爵士樂)嘅發展,奠立現代爵士樂。Bebop最大既特色係突破以往固有爵士樂既模式,例如係旋律方面,帕克等40年代既年輕音樂家以大量八分音符取代過往常用既四分音符,又加入半音或裝飾音奏出更多變、複雜既旋律。而Bebop音階亦於平時既七聲音階之上加左一個過渡音,形成八音音階,譬如Bebop既C大調會加入一個原本唔屬於七聲音階既B♭,音階下行時重拍能夠放係更多和弦音符,令音樂聽得更和諧。25歲既帕克根據《Cherokee》一曲而即興演繹既《Ko Ko》,其快節奏同具Bebop特色既音樂,成為爵士樂經典,後來更被列入美國國家錄音檔案(National Recording Registry)。而帕克都多次獲得格林美獎等殊榮,更被授予「終身成就獎」。
-
為左對爵士大師致敬,被爵士權威雜誌《DownBeat》係八年間七次封為「年度中音色士風手」─陸歷殊.馬漢達柏,聯同首個獲頒葛萊美獎最佳爵士器樂專輯既女性─泰莉.萊恩.卡榮頓,打造七人樂隊,演繹重新編曲過既帕克經典名曲,同埋受佢影響既新作,令大家可以感受帕克既爵士魅力!
-
查利・帕克—高飛百週年
節目介紹:https://www.yfs.artsfestival.org/yfs/free_events/view/377/…/