[2020藝術節節目冷知識] DAY 5 - 英國殘疾人士管弦樂團嘅演出竟然同物理學家有關?

[2020藝術節節目冷知識] DAY 5 - 英國殘疾人士管弦樂團嘅演出竟然同物理學家有關?

2019.12.26

【距離2020年尚餘6日~】

#英國殘疾人士管弦樂團 嘅演出竟然同物理學家有關?
-
藝術可以超越人體極限,引發無限想象。由查理斯.克蘇活 (Charles Hazlewood) 指揮嘅 #英國殘疾人士管弦樂團,係全球首個為不同能力專業樂手而設嘅大型樂團。《何謂「為何」》取材自物理學家理察.費曼嘅研究,將探究奧妙世界的主題帶到台上。呢位物理學家嘅一生都對世界充滿好奇,致力發掘生命嘅各種可能性,佢喺量子電動力學方面嘅傑出成就,更加令佢喺1965年獲得諾貝爾獎。費曼仲係一位傑出嘅教育家,主張教育應注重興趣同方法引導,而唔係直接羅列同灌輸知識。佢認為傳統課程難以令學生真正接觸到物理的引人入勝之處,所以籌劃了《費曼物理學講義》,用全新、有趣而統一嘅觀點展現出整個物理學基礎。
-
秉持住物理學家嘅探究精神,樂團樂手、舞者,將會聯同香港演藝學院音樂系嘅學生遊走喺台上每個角落,探索多姿多彩嘅藝術世界。觀眾可以踏上舞台,任意穿梭喺表演者之間,近距離用感官去欣賞表演,從而真正體驗到藝術大同。為咗豐富視障觀眾嘅劇場體驗,「無限亮」將會喺《何謂「為何」》演出前,舉行長約三十分鐘嘅觸感導賞活動,帶領二十名觀眾到後台與演員近距離對話,觸摸戲服、道具及佈景,比大家喺欣賞演出前更進一步認識《何謂「為何」》嘅世界。
-
咩係 #無限亮 計劃?
-
「無限亮」計劃由 #香港藝術節 及 #香港賽馬會慈善信託基金 聯合呈獻,於2019年首辦,致力創造無障礙,無限制的環境,讓不同能力嘅人士都可以接觸及欣賞表演藝術,並透過藝術來探索及推動社會共融。一眾來自世界各地與本地不同能力藝術家,由心而發,從心而動,衝破身體限制,創造出無限精采嘅藝術世界。今年藝術節,「無限亮」將會為觀眾帶來獨一無二的表演,例如破光舞團嘅輪椅雙人舞《降臨》,同超能量街舞團嘅霹靂舞表演《失・聯》等等。
-
《何謂「為何」》節目介紹:
https://www.yfs.artsfestival.org/…/free_e…/view/398/tc/popup
#無限亮 #英國殘疾人士管弦樂團 #何謂為何 #TheNatureOfWhy