[2020藝術節節目冷知識] DAY 2 - 貝多芬 — 音樂革命家

[2020藝術節節目冷知識] DAY 2 - 貝多芬 — 音樂革命家

2019.12.23

【距離2020年尚餘9日~】

#貝多芬 — 音樂革命家
-
話說貝多芬身處嘅年代,音樂永遠係貴族嘅玩意,貴族會聘請好多音樂家響宴會中為賓客演奏音樂,作曲家嘅作品通常都需要迎合番貴族們嘅喜好。
-
貝多芬受到 #法國大革命 影響,主張平等自由,認為音樂應該係所有人都應該享有嘅東西,所以佢嘅作品都係跟據自己想法去作。除此之外,佢更為古典音樂帶來多個重大改革,係帶領浪漫樂派嘅先驅。
-
貝多芬《#第九交響曲》被稱為人類史上最重要的藝術作品之一,亦係貝多芬音樂創作生涯嘅最高峰傑作。樂曲中嘅第四樂章就係大家耳熟能詳的《#歡樂頌》。貝多芬史無前例地將規模龐大嘅人聲大合唱溶入交響樂,所以呢首交響曲亦稱為《合唱交響曲》。獨唱聲樂同合唱部分嘅歌詞更係出自德國詩人 #席勒 嘅《歡樂頌》,傳達四海之內皆兄弟,同追求自由、和平、博愛嘅信息。
-
樂曲首演嘅時候,都發生左一件感人嘅小插曲:由於貝多芬當時已經完全失去聽覺,當大合唱完結嘅時候,現場觀衆掌聲如雷,貝多芬仍懵然不知。直至有女歌手向前輕輕將貝多芬轉向觀眾,佢先發現到呢個振奮人心嘅場面。
-
時至今日,無論喺節日慶典抑或係慶祝和平嘅時刻,都會聽到《合唱交響曲》。亦有好多現代藝術家會將 #貝9 改篇為其他藝術作品。例如今屆藝術節節目《貝嘉如是說》的編舞家貝嘉,就曾經用 #貝9 黎編舞;另外 #無限亮 節目《9》都係用左貝9做改編,同時讓觀眾感受貝多芬聽力下降時作曲的感受。
-
#貝多芬 #第九交響曲 #合唱交響曲 #貝多芬誕辰250週年