[2019藝術節節目冷知識] DAY 8 - 九江

[2019藝術節節目冷知識] DAY 8 - 九江

2018.12.22

距離聖誕節仲有3日!

2019香港藝術節其中一套委約戲劇節目,係由本地著名劇作家 #龍文康編劇,#李鎮洲 執導嘅《#九江》。各位Young Friends又知唔知道點解呢個節目叫九江呢?

原來九江係出自香港深水埗 #九江街!以前九江街係黑社會大佬聚集地,所以九江街有「#惡人谷」之名。係七八十年代嘅香港,社團活躍係港九新界。其中一個由廣州嚟嘅社團就係九江街插旗,將呢度納入自己嘅地盤範圍。

當時香港有很多社團,係不同地區發展壯大。社團嘅強大離不開兇狠嘅大佬,吳華喜,鬍鬚勇(原名潘志勇)就係具代表性嘅人物。深水埗區嘅黑社會組織係九江街策劃械鬥,暴亂,令其他地區嘅幫會都唔敢踏足此地,最終令九江街變成「惡人谷」。但1997年後,香港好多黑道大佬都決定江湖洗手,所以九江街而家並冇以前咁危險喇~

舞台劇《九江》就係講緊三個九江街出身嘅古惑仔,被一個內地來港,但係非常迷戀香港黑道文化嘅博士生進行口述歷史訪問,令佢地講出自己嘅故事。究竟曾經稱霸九江街嘅黑道中人,如何由盛轉衰?

節目介紹:https://bit.ly/2QAGrl0

聖誕倒數