[2019藝術節節目冷知識] DAY 7 - 敲響經典與當代

[2019藝術節節目冷知識] DAY 7 - 敲響經典與當代

2018.12.21

距離聖誕節仲有4日!

小編相信大家細細個嘅時候都有用過錫罐tin can整樂器。你地有冇試過用木棍打唔同大細嘅錫罐製造唔同音高嘅節奏?或者你地有冇試過裝D小物件入錫罐度再搖響佢?原來呢D童年時嘅玩兒響專業嘅敲擊樂世界入面都會用到架!

2019青少年之友之友會員專享節目:「#李飈打擊樂團-敲響經典與當代」呢個節目會演奏一首歌叫Third Construction,係由著名嘅美國當代作曲家John Cage所作嘅。呢首歌係 #敲擊樂四重奏,被籲為其中一首最複雜多樣嘅敲擊樂作品,因為四位敲擊樂手將會響演奏55個敲擊樂器及1個管樂器 (其中一個樂手將吹奏 #貝殼!)。一首樂曲入面可以聽到咁多不同種類嘅聲音都真係幾過癮!

其中四位樂手都需要有5個不同音高嘅錫罐tin cans,因為錫罐並唔係傳統樂器,係冇得買番黎嘅,因此敲擊樂手需要自己響日常生活中搵不同嘅錫罐番黎製造不同嘅音高~而由於錫罐好易因為打擊而變形,所以每次表演樂手都要再重新檢查一次5個錫罐嘅音高。除左就咁打擊錫罐,呢首歌仲有一個樂器係”Tin Can with Tacks”,即係裝有釘子嘅錫罐,以搖動嘅方法發聲。

其實現代音樂冇乜規限,所以作曲家都會運用佢地嘅創意去嘗試創造不同的聲音,特別響敲擊樂嘅世界,現代敲擊樂嘅音色同節奏都比古典敲擊音樂多好多可能性。想知多d有關敲擊樂嘅知識,就要聽下李飈打擊樂團特別為青少年之友製作嘅音樂會:「敲響經典與當代」喇!

節目介紹:https://bit.ly/2EC8KIv
Third Construction : https://www.youtube.com/watch?v=j27UIdYJZ0o

#ThirdConstruction #Percussion #JohnCage #聖誕倒數