[2019藝術節節目冷知識] DAY 3 - 幻想交響曲

[2019藝術節節目冷知識] DAY 3 - 幻想交響曲

2018.12.17

距離聖誕節仲有8日!

如果你想同人求愛,你會送咩禮物?法國浪漫時期作曲家 #白遼士 就選擇作一首歌送俾佢夢中情人喇!

事源白遼士愛上左著名女演員Harriet Smithson,佢每分每秒都記掛住Smithson,為佢陷入瘋狂狀態,仲不斷送禮寫信同對方求愛,但對方都置之不理...

白遼士非常沮喪,於是開始動手寫《#幻想交響曲》,內容係講一個年輕藝術家遭到夢中情人拒絕之後決定吞食鴉片自殺,但因劑量不足而未能成功,佢置身於奇幻夢境中,夢中幻想自己殺死左佢心愛嘅女人,而佢亦因此被判死刑。去到地獄,佢見到愛人與面目猙獰的妖怪同女巫一齊跳舞為佢送葬。

白遼士用一句旋律(#固定樂思)代表Smithson,呢句旋律於全曲五個樂章都有出現,以表達佢對Smithson嘅思念。佢仲用左一大筆錢組織一場音樂會演奏呢首歌,並邀請Smithson到場。 最後,Smithson終於接受白遼士的愛意,二人結為夫妻。

但就好似《幻想交響曲》嘅故事結局咁, 二人嘅婚姻未能迎來幸福快樂嘅結局。一個過氣女演員同一個是身無分嘅作曲家走埋一齊,最後只能以離婚收場。

嚟緊 #2019香港藝術節 其中一套節目:法國世紀樂團:白遼士150將會演出《幻想交響曲》!小編都好推薦各位Young Friends去聽一聽呢首奇幻嘅作品,你又聽唔聽得出代表Smithson嘅固定樂思呢?

節目介紹:https://bit.ly/2GlQci9

#愛你愛到殺死你 #聖誕倒數