[2019藝術節節目冷知識] DAY 1 - 哈姆雷特

[2019藝術節節目冷知識] DAY 1 - 哈姆雷特

2018.12.15

距離聖誕節仲有10日!

青少年之友由今日開始直至聖誕節都會為大家倒數聖誕,仲會介紹2019香港藝術節節目嘅小知識!今日打響頭炮嘅係戲劇節目:北京李六乙戲劇工作室《哈姆雷特》。

今次《哈姆雷特》嘅製作班底十分強大,除左有中國當代極具影響力的劇場導演李六乙之外,仲有一班星級演員,例如:胡軍,盧芳及荊浩等等。其中服裝設計更加會由香港著名美術指導及服裝設計師張叔平擔任添!

張叔平曾經擔任過無數電影嘅美術指導,好似王家衛電影《東邪西毒》、《重慶森林》、《春光乍洩》等等。最近中國火紅嘅宮廷劇《如懿傳》都係由張叔平擔任美術指導架!佢更多次獲得香港電影金像獎及金馬獎最佳美術指導等獎項,真係一個十分之傳奇嘅人物。

今次佢為《哈姆雷特》設計嘅服裝,相信都會為觀眾帶黎極佳嘅視覺享受。有興趣嘅Young Friends不妨睇下呢套節目!

北京李六乙戲劇工作室《哈姆雷特》節目介紹:https://bit.ly/2Cf9Msn

#張叔平 #王家衛 #哈姆雷特 #莎士比亞 #聖誕倒數