[藝術冷知識] 科技為觀眾帶來全新嘅藝術體驗?

[藝術冷知識] 科技為觀眾帶來全新嘅藝術體驗?

2018.09.06

係呢一個科技主導社會嘅世界,幾乎所有野都同科技有關,藝術都要趕上潮流、同科技結合!係2017年,#TeamLab 呢一間日本公司用創新科技去表達藝術,務求令到藝術展現出有趣、魅力四射嘅一面!

當中有一件作品──《#水晶宇宙》,係由一串串垂吊著嘅細小水晶構成嘅閃爍星海,隨著投影器控制燈光顏色嘅變化速度同方向,水晶同水晶之間互相折射所接收到嘅光線,觀賞者進入黑房後彷彿置身喺一個廣闊無垠嘅宇宙,可以感受到星空瞬息萬變嘅動人魅力。除此之外,作品仲利用科技構成「超視點」(或「多元視點」, “Ultrasubjective”) 嘅概念,水晶顏色嘅變化令到觀賞者猶如流動係一片星塵之中,一改常見嘅單一視點(Shifting of Viewpoint)觀賞模式, 觀賞者亦可通過自身位置嘅流動以多重視點體會 #光影藝術所帶來嘅視覺震撼

Team Lab 《水晶宇宙》嘅展覽片段:www.teamlab.art/tw/w/crystaluniverse/

講開科技與藝術嘅結合,不得不提第47屆香港藝術節呈現嘅舞台劇——《# 887》。劇目嘅創作者係一位著名嘅加拿大劇作家及導演——羅伯特·利伯殊 (#RobertLepage)。佢擅長運用創新技術使劇作富有更精彩嘅視覺效果。喺《887》入面,Robert Lepage透過旋轉舞台同多媒體影像技術講述自己唔同時期嘅人生經歷,探索記憶嘅行程
,視覺效果出眾。旋轉舞台唔單止擴大咗運用舞台空間嘅可能性,而且令觀眾突破單一視點去觀賞舞台場景,彷彿直接與Robert Lepage 進行一場記憶之旅。

click入呢條link 更可以詳細睇睇《887》嘅簡介:www.youtube.com/watch?v=awnwBgfFfRo

#突破單一視點 #Amazing體驗 #AmazingShow #咁高質嘅節目你又點可以錯過