[藝術冷知識] 點解仲夏夜之夢要喺夏天發?

[藝術冷知識] 點解仲夏夜之夢要喺夏天發?

2018.08.07

夏天,為大地帶來⋯⋯美夢?

係呀!你無睇錯,喺莎士比亞另一套家傳戶曉嘅喜劇《仲夏夜之夢》裡面,仲夏(Midsummer)原來係一個充滿住象徵意象嘅日子,特別令人充滿遐想。

喺英國伊莉莎白一世嘅時代,即係十六、十七世紀,普遍人都相信生命變化同宇宙運行嘅規律係同步嘅,因此對占星術非常迷信。佢地認為新月(Crescent Moon)非常神秘,充滿陰性特徵,所以象徵新娘;而仲夏,即係農曆嘅夏至(Summer Solstice)。當日白晝最長、黑夜最短,所以「陽剛氣」最旺盛,係最適合舉行婚禮嘅日子。而一對新人會喺午夜之後洞房,借助新一日嘅「新生」之意,寄語新郎嘅陽剛力量可以駕馭陰性力量,掌握婚姻大權,符合當時父系社會的看法。亦隱喻新娘會從「少女」變成「女人」,從此為家庭繁衍後代。月亮喺當時嘅人心目中係一個陰森恐怖嘅象徵,佢地認為月亮升起嘅時候會令人失去理智,做出瘋狂嘅行為,因此流行一種所謂「仲夏瘋」(midsummer madness)同「月暈」(moonstruck)嘅說法,覺得只有到黎明時份、太陽升起,喺夜晚發生嘅一切衝突先會化解,回復原有秩序。

顧名思義,《仲夏夜之夢》就係莎士比亞以雅典公爵提修斯 (Theseue) 和亞馬遜女王希波呂特 (Hippolyta) 即將舉行的婚禮作為背景,編寫而出嘅「婚禮劇」(Wedding Masque),講述兩對年輕男女喺仲夏夜因為「情感錯亂」而引發嘅一連串「四角戀」故事。劇內仲運用咗豐富嘅意象同不同嘅象徵符號,(我地遲啲會再同各位探討),有興趣嘅朋友不妨多加留意!