[藝術冷知識] 蛇都可以出現係藝術作品?

[藝術冷知識] 蛇都可以出現係藝術作品?

2018.08.07

蛇係好多人都好驚嘅動物,但係偏偏呢種動物出現左係好多藝術作品上,仲成為左藝術家創作嘅靈感來源。當中包括左由Al Wilson 創作嘅歌曲“The Snake”同埋Gustav Klimt畫嘅 “Water Serpents” 「水蛇」。

2009年,中國藝術家 #艾未未 創作嘅「#蛇天花板」(Snake Ceiling) 作品係 #安大略美術館 (Art Gallery of Ontario) 面世。成個作品由5000個學生書包組成,艾未未就將咁多個書包串連成一條巨大嘅蟒蛇盤踞係天花板上面!聽落係咪好震憾呢?小編仲想講,呢條白蛇背後嘅創作理念更加令人覺得震憾,因為佢係用來紀念2008年 #四川大地震 中死去既90,000人,當中包括咗當地嘅學生。書包係寓意每一個學生嘅生命,而每一個書包緊緊地扣埋一齊,就表達咗學生嘅生命集結成一種力量,發出對「#豆腐渣」學校工程、同埋對社會嘅控訴。

講開蛇,第47屆香港藝術節其中一個節目── #周龍 創作嘅《#白蛇傳》(Madame White Snake)歌劇都係另一個同蛇有關嘅藝術作品。雖然歌劇會保留返 #白蛇傳── 一個修煉成人嘅蛇精來到人間後同一個平凡男子許仙嘅愛情故事,但呢一套歌劇嘅編劇 #林曉英(Cerise Lim Jacobs) 將會以西方元素表達故事,例如由白人女子演出白娘子、係周龍譜出嘅歌曲上填上英文歌詞等等,務求以全新嘅角度同埋西方人慣以表達藝術嘅方式去詮釋呢一部經典嘅民間傳說。

想知道呢個歌劇有幾好睇?咁就要
1. click下:https://www.youtube.com/watch?v=BCm-lmtO-gk 睇睇歌劇花絮啦!
2. 報名成為我地既2018/19 Young Friends會員去睇呢一個show啦!