[藝術冷知識] 王子一定係男人?

[藝術冷知識] 王子一定係男人?

2018.07.26

唔知大家有無聽過「脆弱,你的名字叫女人!」 (“Frailty, thy name is woman!”) 呢句名言呢?哇,乜好似咁性別歧視咁嘅?原來佢出自 #莎士比亞所創作嘅四大悲劇之一:《#哈姆雷特》嘅主角之口,呢句對白正正反映住當時英國女性係社會裡面所受到嘅不平等待遇。

話說喺英國伊莉莎白時期,女性地位非常低微,女人係唔可以演出戲劇。就算劇目裡面有女角色,都會由男童扮演。喺17世紀 60年代,查理二世復辟君主制之後,英國舞台上先有第一位「女演員」出現,但當時嘅女演員都要刻意遮掩自己嘅女性特徵去「反串」男角色,以維持出一種絕對嘅男性「陽剛」形象;當時有翻啲身份地位嘅女士,都唔會考慮做演員。一直到1979年,由Frances de la Tour 主演嘅《哈姆雷特》一劇,先有第一個真正嘅「女版哈姆雷特」出現,顛覆咗觀眾對「哈姆雷特」嘅男性角色定型。而去到2014年,著名英國女演員瑪克辛‧皮克 (Maxine Peake) 以短髮、恤衫、西裝褲嘅姿態出演哈姆雷特王子一角,完美揉合佢陰柔、陽剛並濟嘅特質,威風凜凜、驚艷全場,顛覆咗大眾一直以嚟對於「王子」呢一種身份嘅性別想像。

原來王子都可以係女人嚟㗎!想睇皮克點樣喺舞台上演繹出一個獨一無二嘅「女王子」?可以睇睇《英國衛報》嘅短片:
https://www.theguardian.com/…/maxine-peake-as-hamlet-to-be-…