[關於藝術行政...你知道嗎?] 第五話:場地參觀

[關於藝術行政...你知道嗎?] 第五話:場地參觀

2018.06.20

小編當然知道咁多位好動嘅年輕人唔會想成個工作坊只係齋坐聽talk咁死板啦。所以!我哋工作坊其實為大家準備咗場地參觀環節比大家舒展下筋骨,開下眼界,真係非常體貼啊(心心眼)。去邊度?而家就等男小編同大家介紹啦。

一如以往,我哋會去香港演藝學院參觀,唔好以為演藝學院只係教人做戲,其實佢哋仲有戲曲、舞蹈、音樂等等嘅課程,可以話係香港表演藝術界嘅寶地!同學將會有機會參觀各個表演場地,仲可以深入神祕嘅後台!絕對係機會難逢!

唔止!

今年我哋仲新加入參觀景點──大館!大館係一座全新開幕嘅古蹟以及藝術館,由舊中區警署活化而成。除咗有古蹟,仲有當代美術館同埋藝術表演場地,究竟歷史、文化同藝術點樣係呢個空間交織結合呢?千其唔好錯過!

順帶一提,我哋個藝術行政工作坊聽日就截止架啦,大家有興趣但又未報名嘅記得拿拿聲去報名啦!唔好掛住睇世界盃啊!男小編精心設計左好多好玩嘅活動同大家一齊玩~Join Join Join!

報名呢邊:https://goo.gl/4FwHm1