[關於藝術行政…你知道嗎?] 第三話:$$$與它們的產地

[關於藝術行政…你知道嗎?] 第三話:$$$與它們的產地

2018.06.20

藝術喺好多人心目中都係「好pure好true」,係高尚嘅存在。但係小編殘忍啲都要同大家講句,藝術都要面對非常現實嘅問題:就係錢!大家應該知道舉辦藝術節目要龐大資金,但係對於資金嘅數目大細就無乜概念!舉個例子,每年我哋香港藝術節都邀請世界級藝術家,加上表演場地同埋宣傳等等其他方面嘅費用,支出真係以千萬計!

搞藝術咁貴代價咁高,真係哪有錢?好彩!都仲有好多熱心嘅善長仁翁課金支持香港藝術發展;另一方面,政府嘅藝發局都有資助計劃俾唔同藝團、藝術家申請,支持藝術創作。如果唔係,單靠演出嘅門票收入好難維持大規模同高水準嘅藝術活動,連小編都要失業…

所以,點樣申請資金,點樣做到收支平衡亦係藝術行政人員嘅重要考慮!雖然錢唔係萬能,但係無錢就萬萬不能!至於具體嘅做法就容許小編先係度賣個關子,即刻報名參加藝術行政工作,等我哋香港藝術節發展總監余潔儀女士再同你分享多啲啦!

剩返一個禮拜咋!快啲報名:https://goo.gl/4FwHm1