[關於藝術行政…你知道嗎?] 第一話:點睇藝術行政?

[關於藝術行政…你知道嗎?] 第一話:點睇藝術行政?

2018.06.20

藝術行政,呢四隻字有獨特嘅魅力。

無論係視覺藝術或表演藝術範疇,唔少人都對藝術行政抱有美好嘅憧憬,覺得做藝術行政可以親近藝術品及藝術家,喺文化藝術圈子中遊走,成件事好「文青」,喺呢個經濟掛帥嘅香港社會,簡直係浪漫!

台灣作家李維菁著有長篇小說《生活是甜蜜》。她筆下嘅女主角係一位藝術行政人員,書中道出主角於藝術圈中打滾嘅矛盾心情:一生為藝術奉獻,成就藝術家嘅光芒,終卻不得其門而入,地位渺小,不被當成藝術一份子。

甄小慧老師《香港藝術管得掂──藝術行政人祕典》中除咗藝術行政理論,亦分享到藝術行政人員面對各種突發情況點樣應對及處理嘅實例:藝術家喺演出當日發哂脾氣咁點算?

咦,咁睇嚟藝術行政絕對唔易做啵!究竟藝術行政係做啲咩架呢?

報名參加青少年之友藝術行政工作坊,我哋將為你揭開藝術行政嘅神祕面紗!今次工作坊邀請到香港藝術中心總幹事林淑儀女士,為學員介紹藝術行政嘅工作以及行業概況,仲會教大家一啲項目管理(Project Management)嘅技巧,記住唔好錯過啦!

報名呢邊:https://goo.gl/4FwHm1