《藝術行政未知領域》

《藝術行政未知領域》

2017.07.28

Arts Admin的工作環境

小編上次就同大家分享咗少少喺實習期間對藝術行政office工作嘅觀察,相信大家透過文字都了解到Arts Admin嘅工作無論戶外戶內都一樣咁具挑戰性。

講親藝術行政,好多人都會先入為主同埋有stereotype,覺得做藝術行政就同搞藝術一樣,工作環境實係周圍都係顏料同埋比較污糟嘅地方。非也非也,Expectation同Reality往往都唔一樣,想知係點?睇埋落去啦~

Arts Admin嘅工作環境其實同普遍寫字樓工相似,但又不盡相同。兩者相似嘅地方就係office嘅格局,每個同事都坐喺一格格嘅位置入面,對住部電腦密密做同埋有部電話做用嚟聯絡,另外身邊仲有一堆堆同programmes相關嘅資料同文件,簡直同坐喺書海裡面冇分別呀。

講到唔同嘅嘢就實係office嘅氣氛,細至部門大至成間公司都瀰漫住一股濃厚嘅藝術氣息。同事之間嘅話題大多數都係圍繞最近演出嘅交響樂團、舞台劇同埋各類藝術節目,仲有討論一啲知名藝術家或者音樂家嘅作品。唔係講笑,喺呢種藝術氛圍入面做嘢,真係成個人都唔同曬,自身層次即刻高咗,仲更加學識點樣去欣賞藝術呀~