《藝術行政未知領域》

《藝術行政未知領域》

2017.07.21

工作日常——Office篇

講到藝術行政,Arts Admin,有Arts亦都有Admin,除咗前者「藝術」嘅部份之外,後者「行政」都相當重要,可以話係每個活動嘅靈魂所在,冇咗「行政」呢一part就唔會成功攪到咁多有趣嘅藝術活動!

以小編我實習呢段時間所觀察,行政工作基本上都會喺office入面進行,只要唔係出去攪event,我哋就會埋首喺電腦面前處理各樣大小事項。舉幾個例子俾大家聽下,例如喺活動之前,我哋要處理大家嘅報名、安排面試、聯絡場地同嘉賓,製作各式各樣數之不盡嘅rundowns同埋lists,確保所有嘢都可以順利進行,仲有整理大家過數俾錢嘅收據,再交俾account部嘅同事進行核對。平時嘅時間,我哋會解答大家嘅疑問,無論係打嚟Young Friends嘅hotline定係透過email,又或者籌備定下一個活動。你知啦,好玩嘅藝術活動冇人嫌多嘅,所以話,做Arts Admin就要好似千手觀音咁,要夠multi-tasking!

今次講住咁多俾大家知先!我哋喺office搞咁多嘢,究竟呢個孕育咗咁多活動嘅搖籃係點樣嘅呢?我哋下一篇再開估!