[藝術冷知識(三)]搬咗上舞台嘅《歌劇魅影》你又知幾多?

[藝術冷知識(三)]搬咗上舞台嘅《歌劇魅影》你又知幾多?

2017.07.12

搬咗上舞台嘅《歌劇魅影》你又知幾多?

《歌劇魅影》(The Phantom of the Opera) 呢個故事就算無掂過Arts嘅人都可能睇過佢嘅書或者電影,但原來佢嘅音樂劇比《鐵達尼號》、《星際大戰》呢啲賣座電影更加吸金(全球票房突破56億美金)!《歌劇魅影》之所以咁受廣大觀眾歡迎,多得背後有份籌劃嘅人力物力。演一次《歌劇魅影》係非常之艱巨嘅任務:相比起只需要5、6個舞美貨櫃嘅《悲慘世界》,《歌劇魅影》竟然要用26個貨櫃先裝得哂所有裝置、道具同服裝。舞台佈置仲要求多多,唔係每間劇院都過到關㗎!例如佈景同燈光一定要裝喺劇院既吊杆上面;喺轉場比較多既音樂劇,燈光音響切換既精確度要去到零點幾秒……呢啲要求都寫咗喺差唔多有100頁既音樂劇技術手冊裏面,睇到幕後工作人員都頭暈~.~

另外,呢齣劇對演員嘅要求都幾高。喺最經典嘅飆歌點《The Phantom of the Opera》唱段,女主角Christine喺Phantom嘅引導之下,唱到“sing for me”呢句歌詞就由High C開始飆到High E。High C對於男女高音嚟講已經係超難唱,更何況係High E呢種1秒內聲帶就要震1318次嘅高音。一場《歌劇魅影》成唔成功,呢段飆音唱功基本上決定咗50%嘅分數,你都咪話唔犀利!小編寫呢篇稿時,靜雞雞搵達無人地方試吓唱呢個可能會唱爆玻璃嘅高音,唱到走音都未發到個海豚音出嚟,心諗真係抵佢咁成功!

參考資料:https://read01.com/KkJQA.html