[藝術知多少]《老婦還鄉》

[藝術知多少]《老婦還鄉》

2017.07.11

小編最近睇緊經典劇本啊~講起經典,就必須提及迪倫馬特(Friedrich Dürrenmatt)嘅《物理學家》(The Physicists),仲有今日所介紹嘅《老婦還鄉》(The Visit)!

《老婦還鄉》係講述居倫小鎮經濟蕭條,所以將全副希望寄托喺將要回鄉嘅大富翁Claire Zachanassian身上,希望佢可以振奮經濟。但Claire歸來嘅目的係要對前度戀人ILL報復!原來當年ILL為追求更安穩嘅生活,毅然選擇雜貨店店主嘅女兒,拋棄咗大腹便便嘅Claire!所以Claire今次回歸,誓必掀起一場血腥大風雨。迪倫馬特藉住呢套作品不但令觀眾反思道德、金錢、感情等等嘅大議題,仲喺1956年取得世界性嘅聲譽,從而奠定佢喺當代戲劇史上聳高嘅地位!

如果你喜歡呢類愛恨交纏嘅故事,咁你就不能錯過嚟緊嘅第46屆香港藝術節嘅節目--- 就係由威爾斯國家歌劇院Welsh National Opera演出嘅《佩利亞斯與梅莉桑德》。呢套歌劇係法國作曲家德布西(Achille-Claude Debussy)一部五幕十二場嘅歌劇,改編自1911年諾貝爾文學獎得主、象徵主義戲劇嘅先驅-比利時劇作家梅特林克(Maurice Maeterlinck)同名悲劇。《佩利亞斯與梅莉桑德》係講梅麗桑德同一個叫戈洛嘅男人相識然後結婚,遇到戈洛嘅細佬佩利亞斯之後卻互相愛上對方,之後俾戈洛發現咗一連串嘅故事。

呢套歌劇過百年後由威爾斯國家歌劇院近年製作嘅版本,仲喺2016年拎過好幾個威爾斯劇場獎:有威爾斯劇場獎最佳歌劇製作同埋威爾斯劇場獎最佳音響添!

相片來源: Cluj-Napoca 2015 (http://www.cluj2015.eu/…/964-friedrich-drrenmatt-the-visit.…)