[後台禁忌系列 ‧ 三]中國戲班篇

[後台禁忌系列 ‧ 三]中國戲班篇

2014.01.03

後台禁忌除咗西方劇院有之外,中國戲班都有好多鮮為人知嘅禁忌!
「破台」係每個戲班都會做,但又永遠冇人去刻意介紹嘅中國傳統習俗。

每一座新建嘅戲樓、劇院、會館或者廟台等地方,響佢哋首場演出嘅劇目都要舉行「破台」祭禮。
戲班需要響向西方向嘅戲台,亦稱為「白虎台」,舉行祭禮儀式。
如果唔做「破台」祭禮,流傅戲班入面就會演乜衰乜,文戲出錯,武戲傷人架啦! 

「破台」嘅祭禮儀式各有不同,以下介紹三款:
一 響白虎台牆上掛上一撮紅胡須,代表判官,咁就可以避邪;
二 月黑風高之夜搵個演員扮演靈官,響舞台上係咁追住隻女鬼(由旦角扮演),將隻女鬼趕走就攪掂啦;
三 最後就係…殺一隻雞!仲要係新鮮走地(公)雞!將啲雞血灑哂響戲台四周,之後放鞭炮,敲鑼打鼓一番,就算「破台」啦!

今次講住咁多先,下回再續!!