[足不出戶的表演藝術] 喺屋企都可以欣賞到藝術表演?

[足不出戶的表演藝術] 喺屋企都可以欣賞到藝術表演?

2020.02.19

【足不出戶的表演藝術】喺屋企都可以欣賞到藝術表演?
-
肺炎疫情肆虐,大大小小嘅文藝活動都被迫取消。香港藝術節呢兩個月嘅節目都無辦法同大家見面,相信各位young friends留在家中覺得好悶,好想可以欣賞到高質素嘅藝術表演。有見及此,小編今次就同大家介紹吓唔同嘅網上平台,比大家可以足不出戶都欣賞到世界級嘅演出。
-
鍾意睇歌劇嘅你一定唔可以錯過 免費歌劇直播平台 OperaVision,網站會直播15間歌劇製作公司嘅演出作品,作品片段亦會係網站存放半年,方便觀眾重溫;另一個演出直播平台 Medici.tv 更加被譽為 “古典音樂界嘅Netflix”,除咗古典音樂會嘅直播之外,仲有芭蕾舞演出、歌劇、紀錄片、大師班同藝術家嘅訪談片段,比大家可以更加了解表演藝術幕前同幕後點滴;德法公共電視台 ARTE 更加會喺網上發放表演藝術嘅完整演出片段,例如可以搵到喺香港演出過嘅 艾甘.漢舞蹈團 嘅作品 ─《異地人》(XENOS by Akram Khan),錯過咗嘅就記得上網收睇返啦!
-
香港本地都有唔少網上資源俾大家響屋企欣賞表演藝術架!例如喺香港公共圖書館嘅網站入面,大家可以搵到有關表演藝術嘅電子資料庫。題材包羅萬有,有古典音樂資料庫、芭蕾舞、教育及紀錄影片、音樂會現場直播同表演藝術國際期刊等等,滿足大家嘅求知慾~
-
不過,喺網上睇演出當然唔及喺現場睇咁震撼啦,希望疫情減退之後,我地可以繼續為大家提供精彩嘅演出同活動啦!
-
免費歌劇直播平台 OperaVision: https://operavision.eu/en
古典音樂演出直播平台 Medici.tv: https://www.medici.tv/en/
德法公共電視台 ARTE: https://www.arte.tv/en/arte-concert/
香港公共圖書館 - 電子資料庫: https://www.hkpl.gov.hk/…/e-res…/e-databases/tag/Opera/all/1